Пад Гроднам МАЗ раздушыў "Форд", загінулі два чалавекі (фота)
Трагедыя адбылася раніцай 31 студзеня на аўтадарозе Гродна — Лунна за 3 км ад абласнога цэнтра.
Як паведамляе БелаПАН, "Форд-Фіеста" ехаў па абледзянелай дарозе, калі яго пачало заносіць на паласу сустрэчнага руху. Насутрач яму рухаўся МАЗ з паўпрычэпам. "Форд" правым бокам занесла пад грузавік, які ўжо амаль спыніўся.
"Форду" не дапамаглі ні зімовыя шыны, ні рамяні бяспекі, якімі былі прышпіленыя кіроўца і пасажырка. У аварыі загінулі 27-гадовы кіроўца і 42-гадовая пасажырка.
Фота — gaigrodno.by
