Палата прадстаўнікоў ухваліла "каменданцкую гадзіну" для падлеткаў
Папраўкі ў законы былі прынятыя ў першым чытанні 28 лістапада. Яны датычаць знаходжання непаўналетніх у грамадскіх месцах у начны час.
Як паведаміў намеснік генпракурора Аляксей Стук, непаўналетнім да 14 гадоў забароняць быць у такіх месцах без дарослых з 22-й да 6-й гадзіны. Для непаўналетніх ад 14 да 16 гадоў "каменданцкая гадзіна" пачне дзейнічаць з 23.00, адзначае БелаПАН.
Бацькі ці апекуны будуць несці адказнасць за невыкананне такога абмежавання.
