Пінская шахматыстка перамагла на чэмпіянаце Еўропы
Кацярына Бейненсон заняла першае месца ва ўзроставай катэгорыі да 14 гадоў на юнацкім чэмпіянаце Еўропы па шахматах. Спаборніцтвы адбыліся ў Празе.
Другі пінскі шахматыст Раман Грыб заняў пятае месца сярод юнакоў да 16 гадоў. Дарэчы, згодна з рэгламентам чэмпіяната прызавымі былі першыя пяць месцаў. Таму пінчукі, адзіныя з усёй беларускай каманды, занялі прызавыя месцы.
Нагадаем, летась з дапамогай Еўрарадыё Кацярына Бейненсон знайшла спонсар, які аплаціў яе ўдзел у чэмпіянаце свету па шахматах у Бразіліі.
