Пінскую мытню ліквідуюць
З 1 студзеня Пінская мытня будзе ліквідавана як юрыдычная асоба і ўвойдзе ў склад Брэсцкай мытні.
А ў Пінску застанецца мытны пост, колькасць супрацоўнікаў якога скароціцца са 198 да 114 чалавек.
Пінская мытня была ўтворана ў 1993 годзе і абслугоўвала Драгічынскі, Іванаўскі, Пінскі, Столінскі і Лунінецкі раёны Брэстчыны. Сёлета яе супрацоўнікі назбіралі 230 мільярдаў рублёў мытных плацяжоў.
