Польскім ВНУ прапанавалі адмяніць для беларусаў аплату за навучанне
З адпаведным лістом еўрадэпутат Марэк Мігальскі звярнуўся да рэктараў вышэйшых навучальных устаноў Польшчы.
Паводле Мігальскага, асабліва важным было б увядзенне спецыяльнай праграмы навучання для студэнтаў з Беларусі і памяншэнне або поўная адмена платы за навучанне для іх.
Таксама дэпутат звярнуў увагу на той факт, што палітычная сітуацыя ў Беларусі працягвае пагаршацца. Маладыя людзі "часта не маюць магчымасці для адукацыйнага развіцця і палітычнай дзейнасці", таму выязджаюць за мяжу.
Як адзначыў Мігальскі, палягчэнне ўмоваў прыняцця беларусаў на навучанне ў польскія ВНУ, стане важным выразам польскай салідарнасці і падтрымкі беларускага народа.
