Пракаповіч: Расійскі рубель не стане адзінай валютай АЭП
Кіраўнік Нацбанка Беларусі Пётр Пракаповіч падтрымлівае ідэю ўвядзення адзінай валюты ў межах Адзінай эканамічнай прасторы.
Пра гэта ён заявіў сёння на прэс-канферэнцыі ў Мінску. Для Беларусі, Расіі і Казахстана, на яго думку, "пераход на адзіную валюту — гэта нармальная перспектыва".
Пракаповіч мяркуе, што ў ролі такой валюты выступіць новая грашовая адзінка. Расійскі рубель, як было заяўлена, не здолее выканаць функцыю адзінай валюты АЭП.
