Пракуратура адмяніла папярэджанне рэдактару газеты “Вольны горад”
Магілёўская абласная пракуратура адмяніла папярэджанне Сяргею Няроўнаму за публікацыю артыкула “Чорныя дні”.
Папярэджанне рэдактару газеты “Вольны горад” вынесла Крычаўская раённая пракуратура.
Нагадаем, артыкул быў прысвечаны тэракту ў мінскім метро. На думку раённага пракурора, тэкст утрымліваў непраўдзівую інфармацыю наконт расследавання тэракту. Паводле пракурора, публікацыя была скіраваная на дыскрымінацыю праваахоўных органаў, беларускай дзяржавы і грамадства.
У адказе абласной пракуратуры адзначаецца, што факты, паводле якіх незалежнай газеце было вынесена папярэджанне, не пацвердзіліся.
Рэдактар “Вольнага горада” гаворыць, што рашэнне пра папярэджанне было прынята мясцовай пракуратурай і КДБ пасля тэракту ў мінскім метро. На думку Няроўнага, яно спантаннае і незаконнае.
