Пуцёўкі ў дзіцячыя летнікі сёлета падаражэюць амаль удвая
Калі летась сярэдні кошт пуцёўкі ў лагер з кругласуткавым знаходжаннем складаў каля 800 тысяч рублёў, то сёлета ён дасягне прыблізна 1,5 мільёны рублёў.
Пра гэта паведаміў намеснік дырэктара Рэспубліканскага цэнтра па аздараўленні і санаторна-курортным лячэнні насельніцтва пры Савеце міністраў Генадзь Балбатоўскі.
БелаПАН адзначае, што ў Мінскай вобласці пуцёўкі традыцыйна таннейшыя ў параўнанні з іншымі рэгіёнамі. Паводле слоў Балбатоўскага, датацыя са сродкаў дзяржаўнага сацыяльнага страхавання на патаненне адной пуцёўкі ў 2012 годзе, як і ў мінулым, складзе прыкладна 40% ад агульнага кошту.
Фота — mpovt.by
