Пытанне трансляцыі гульні "Ліверпуль" — "Гомель" пакуль не вырашанае
Матч 3-га кваліфікацыйнага раўнда футбольнай Лігі Еўропы пройдзе 9 жніўня ў Ліверпулі на стадыёне "Энфілд Роўд". Пачатак у 22.05 па беларускім часе.
У першым матчы "Ліверпуль" выйграў у "Гомеля" з лікам 1:0.
Як паведамляе БЕЛТА, дагэтуль няма пэўнасці ў справе тэлевізійнай трансляцыі гульні. Можна меркаваць, што вядуцца перамовы.
Нагадаем, што толькі за некалькі гадзінаў да пачатку кваліфікацыйнага матча "Дэбрэцэн" — БАТЭ стала вядома, што яго пакажа ў запісе тэлеканал "Беларусь-1".
