Расія актывізуе пастаўкі ЗРК С-300 у Беларусь
Пра гэта паведаміў журналістам 21 красавіка ў Мінску міністр абароны Расіі Анатоль Сердзюкоў па выніках супольнай калегіі ваенных ведамстваў дзвюх краін.
"У 2011 годзе мы завяршылі першы этап па рамонце і мадэрнізацыі беларускай зенітна-ракетнай сістэмы С-300. Дамовіліся актывізаваць працу па наступных пастаўках Рэспубліцы Беларусь зенітна-ракетных сістэм С-300", — цытуе РІА Новости Сердзюкова.
Ён падкрэсліў, што паўночна-заходні паветраны кірунак з'яўляецца зонай адказнасці адзінай рэгіянальнай расійска-беларускай сістэм СПА. "Мы ажыццяўляем умацаванне гэтай сістэмы", — заявіў міністр.
