Раварыстка Таццяна Шаракова трапіла ў допінг-скандал
Цяпер раварыстка можа страціць залатыя медалі чэмпіянату Еўропы, заваяваныя ў кастрычніку ў літоўскім Панявежысе.
Проба беларускай раварысткі дала дадатны вынік на прэпарат туанінагептан. Гэты прэпарат забаронены з 2011 года. Вядома, што ён быў у спрэі для носа, якім карысталася спартоўка.
Настаўнік Шараковай Станіслаў Салаўёў у каментары "Прессболу" патлумачыў, што ні раварыстка, ні лекар папросту не ведалі, што лекавы сродак ужо год як трапіў у спіс забароненых.
Фота — ctv.by
