Рэжысёр Сяргей Арлоў падазраецца ва злоўжыванні
Следчы камітэт распачаў крымінальную справу па факце крадзяжу грашовых сродкаў Міждзяржаўнай тэлерадыёкампаніі "Мір".
Як паведамляе "Ежедневник", пакуль Сяргею Арлову інкрымінуецца злоўжыванне службовымі паўнамоцтвамі. Нагадаем, ён працуе галоўным рэжысёрам тэлерадыёкампаніі "Віцебск". Яна якраз у 2007-2009 гадах і заключыла з міждзяржаўнай тэлерадыёкампаніяй "Мір" дамову на падрыхтоўку 14 тэлеперадачаў. Паводле дакументаў іх зрабіў індывідуальны прадпрымальнік Аляксандр Арлоў (бацька рэжысёра), але насамрэч перадачы падрыхтавалі супрацоўнікі "Віцебска". Страты ацэньваюцца ў 56 мільёнаў рублёў.
Адзначым, што адна з самых знакамітых працаў Арлова — дакументальны фільм "Еўфрасіння Полацкая". У яго цэлая калекцыя узнагародаў, прэміяў, рэалізаваных праектаў, і гэта, магчыма, стала прычынай, што следства прасоўваецца даволі дзіўна. Паводле "Ежедневника", справа была распачатая месяц таму, але расследаванне рэальна так і не пачалося. Да таго ж кваліфікацыя дзеянняў Арлова магла б быць іншай, большай за "злоўжыванне" — сума нанесеных стратаў даволі значная.
Фота — bymedia.net
