Рыгор Касячэнка ― новы старшыня Беларускай федэрацыі лёгкай атлетыкі
Галасаванне было безальтэрнатыўным. Але адзін з дэлегатаў пазачарговай справаздачна-выбарнай канферэнцыі БФЛА ўсё роўна прагаласаваў “супраць”.
Яшчэ двое ўстрымаліся. Астатнія 88 дэлегатаў прагаласавалі “за”.
На пасадзе кіраўніка БФЛА Касячэнка змяніў Уладзіміра Патупчыка, які папрасіўся ў адстаўку пасля сёлетняй Алімпіяды. У Лондане беларускія атлеты выступілі правальна: упершыню ў гісторыі нашай краіны яны не заваявалі ніводнага медаля.
Цікава, што ўсяго 9 месяцаў таму Патупчык быў пераабраны на пасадзе кіраўніка БФЛА на другі тэрмін, піша агенцтва БелТА.
Даведка Еўрарадыё. Рыгор Касячэнка ― былы першы намеснік міністра спорта і турызма Беларусі, рэктар Беларускага дзяржаўнага ўніверсітэта фізкультуры.
