Саакашвілі: Арганізатары тэракту не дасягнуць пастаўленай мэты
Прэзідэнт Грузіі Міхаіл Саакашвілі накіраваў Аляксандру Лукашэнку ліст, у якім выказаў смутак у сувязі з тэрактам у Мінску.
Паводле інфармацыі адміністрацыі прэзідэнта Грузіі, Міхаіл Саакашвілі рэзка асудзіў любыя праявы тэрарызму і выказаў гатоўнасць аказання дапамогі беларускаму народу.
"Няма ніякага апраўдання тым, хто ўзняў руку на жыццё нявінных людзей. Упэўнены, што арганізатары тэрарыстычнага акту не дасягнуць пастаўленай мэты — дэстабілізацыі абстаноўкі ў Беларусі", — гаворыцца ў лісце прэзідэнта Грузіі.
