Сенат Чэхіі легалізаваў марыхуану для лекавых мэтаў
За гэта прагаласавала большасць сенатараў. Прадавацца марыхуана будзе выключна ў аптэках і па рэцэптах.
Цяпер Чэхія павінна арганізаваць афіцыйныя пастаўкі марыхуаны з Нідэрландаў і Ізраіля. Потым у краіне пачнуць вырошчваць уласныя расліны. Для гэтага мясцовым вытворцам спатрэбіцца атрымаць дзяржаўную ліцэнзію.
Спіс хвароб, для лячэння якіх будзе выпісвацца рэцэпт на марыхуану, разгледзяць асобна. Аднак ужо вядома, што ў спіс хваробаў увойдуць рак, хвароба Паркінсана, рассеяны склероз і атыповая экзема, адзначае ИТАР-ТАСС.
Цяпер у Чэхіі дазволена вырошчваць, мець пры сабе і ўжываць невялікую колькасць марыхуаны. Але прадаваць яе забаронена.
Фота — AFP
