21 лютага ў свеце адзначаецца Міжнародны дзень роднай мовы
Ён быў заснаваны ЮНЭСКА ў 1999 годзе ў памяць пра студэнтаў, якія загінулі ў Бангладэшы, абараняючы права навучацца на роднай мове.
Каля паловы моваў Зямлі знаходзяцца пад пагрозай знікнення. ЮНЭСКА якраз і заклікае ў гэты дзень згадаць пра іх.
Нагадаем, паводле апошняга перапісу насельніцтва, беларускую мову назвалі роднай 5 мільёнаў 58 тысяч альбо 60% жыхароў нашай краіны. Аднак размаўляе на ёй толькі палова з іх.
У нашай краіне і ў замежжы працягнецца традыцыйная беларуская дыктоўка. У Брэсце сёння ладзіцца афіцыйнае свята “Жывыя вытокі”.
