Штогадовы “Калядны фэст” пройдзе ў Мінску
Традыцыйны музычны фестываль пройдзе ў сталічным клубе Re:public 25 снежня, пачатак а 18.00.
Пра гэта паведаміў БелаПАН арганізатар імпрэзы Віталь Супрановіч. Паводле яго словаў, “Калядны фэст” праходзіць з 2007 года. Гэта своеасаблівая справаздача за год аб развіцці музыкі ў Беларусі. У імпрэзе бяруць удзел фолкавыя гурты, таму фэст вельмі арганічна ўпісваецца ў кантэкст старадаўняга абрадавага свята.
У сёлетнім “Калядным фэсце” возьмуць удзел такія гурты, як Rokash, “Стары Ольса”, “Тутэйшыя”, Re1ikt ды іншыя.
