Суд над Сяргеем Каваленкам перанесены на 9 снежня
Яго абвінавачваюць у несанкцыянаваным вывешванні бел-чырвона-белых сцягоў у Віцебску.
Пратакол на віцебскага актывіста склалі пасля з’яўлення ў інтэрнэце матэрыялаў пра ўсталяванне бел-чырвона-белага сцяга на даху крамы “5 элемнт”. Міліцыянты сцвярджаюць, што на фота і відэа можна пазнаць Сяргея Каваленку. Яны вінавацяць яго ў парушэнні заканадаўства аб правядзенні вулічных акцый.
Сёння па гэтым
факце ў Кастрычніцкім райсудзе Віцебска распачаўся суд. Аднак
яго было вырашана перанесці праз адсутнасць перакладчыка на беларускую мову, якога
запатрабаваў абвінавачаны, паведамляе “Радыё Свабода”.
Нагадаем, што бел-чырвона-белы сцяг з’явіўся на даху
крамы “5 элемент” на вуліцы
Церашковай яшчэ 27 лістапада. У той самы дзень фотаздымкі са сцягам
з’явіліся на розных інтэрнэт-сайтах.
Сяргей Каваленка сваёй віны не прызнае.
