Судэрбаўм: Было б выдатна скасаваць еўравізы для беларусаў
Шведская ініцыятыва за дэмакратыю і правы чалавека Оstgruppen распачала кампанію за спрашчэнне ўезду беларусаў у краіны Еўрасаюза.
Актывіст Оstgruppen Ханна Судэрбаўм мяркуе, што для пачатку можна было б зменшыць кошт віз, а ў перспектыве наогул адмяніць іх аплату.
Оstgruppen ужо накіравала адпаведныя звароты да кіраўнікоў краін Еўрасаюза. "Думаю, што ў недалёкай будучыні было б выдатна ў прынцыпе скасаваць візы для беларусаў", — лічыць Судэрбаўм.
Яна перакананая, што змякчэнне ўмоваў уезда для беларусаў стала б жэстам салідарнасці еўрапейскай супольнасці ў адносінах да грамадзянскай супольнасці Беларусі, перадае БелаПАН.
