Сярэдні заробак беларускага хакеіста — 5000 долараў
А "найдаражэйшыя" гульцы атрымліваюць больш за 10 тысяч долараў штомесяц.
Пра заробкі гульцоў адкрытага чэмпіянату Беларусі піша спартовая газета "Прессбол". Так, па звестках выдання, форвард жлобінскага "Металурга" эстонец Андрэй Макроў меў 90 тысяч долараў у год. Такі ж заробак жлобінскі клуб прапанаваў і фінскаму форварду Каспарсу Саўліецісу — гэта больш, чым прапаноўвала яму рыжскае "Дынама". Аднак гульца зборнай Латвіі перакупіў "Нёман".
У Гродне заробкі лідараў нашмат большыя — 130 тысяч долараў у год. Прыкладна столькі атрымліваў самы высокааплатны хакеіст мінскага "Юнацтва" — фінскі галкіпер Міка Окса. Яго гадавы прыбытак разам з бонусамі складае ад 130 да 160 тысяч долараў.
Фота — belapan.by
