Сёння адзначаецца дзень народзінаў Уладзіміра Караткевіча
Славуты пісьменнік з'явіўся на свет 82 гады таму — 26 лістапада 1930 года.
Сёння ў віцебскай прыватнай галерэі "Сцяна" адбудзецца прэзентацыя кнігі казак Караткевіча "Лебядзіны скіт" з ілюстрацыямі Міколы Купавы. Да гэтай жа даты прымеркаванае і адкрыццё выставы Міколы Купавы, прысвечанай угодкам з дня нараджэння Уладзіміра Караткевіча ды юбілею Янкі Купалы і Якуба Коласа. У складзе экспазіцыі будуць працы, сродкі ад продажу якіх мастак ахвяруе на рэстаўрацыю былога кляштара базылянаў у Оршы.
Фота — svaboda.org
