У Аршанскім раёне аўтамабіль сутыкнуўся з цягніком
Спроба кіроўцы “Фальксваген-Пасата” пераехаць чыгуначныя рэйкі на забаронны сігнал семафора ледзьве не скончылася трагедыяй.
Здарэнне адбылося а шостай гадзіне вечара 29 красавіка у Аршанскім раёне. Аўтамабіль сутыкнуўся з цягніком “Парыж-Масква”. Машыну моцна пашкодзіла але, на шчасце, ніхто не пацярпеў.
Пакуль пакамечаны аўтамабіль сцягвалі з рэек, цягнік вымушаны быў затрымацца на 40 хвілін.
Фота — auto.onliner.by
