У Барысаве сёлета завершыцца рэстаўрацыя гарадскога сабора
Свята-Васкрасенскі храм будзе адноўлены ў стылістыцы канца XIX – пачатку XX стагоддзяў.
Ужо выкананыя працы па рэстаўрацыі цаглянага мура на сценах. Зараз вядзецца аднаўленне цэглы на вежах. Яны былі разбураныя і знаходзяцца ў дрэнным стане. Для аднаўлення вежаў нават вырабляецца фігурная цэгла.
Не абышлося і без непрыемнасцяў. Аглядаючы канструкцыю купалоў будаўнікі выявілі брак. Праз гэта ўнутр сабора трапляе вільгаць. У бліжэйшы час плануецца абследаваць усе канструкцыі купалоў і пазбавіцца ад недахопаў, паведамляе БелТА.
