У Беларусі расце колькасць хворых на дыябет
На пачатак 2012 года ў краіне зарэгістравана 223 тысячы 955 чалавек з такім дыягназам, з іх паўтары тысячы — дзеці.
Рост захворванняў ідзе за кошт развіцця дыябету другога тыпу ў дарослых. Апроч генетычнай схільнасці фактарамі рызыкі тут з’яўляюцца парушэнні харчавання, нізкая фізічная актыўнасць, лішняя маса цела, хранічныя стрэсы, курэнне і злоўжыванне алкаголю, перадае БЕЛТА.
Такая тэндэнцыя назіраецца па ўсім свеце. Дваццаць гадоў таму людзей з дыягназам “цукровы дыябет” было не болей за 30 мільёнаў, а цяпер іх 300 мільёнаў. Паводле прагнозаў медыкаў, да 2025 года іх колькасць узрасце да 450 мільёнаў чалавек.
