У Беларусі спартыўныя клубы будуць зарабляць 50% свайго бюджэту
Да 2015 года. Гэта прадугледжана ўказам Аляксандра Лукашэнкі "Аб аказанні падтрымкі арганізацыям фізічнай культуры і спорту".
Кіраўнік дзяржавы падпісаў яго 15 красавіка.
Паводле ўказа, дзяржаўная падтрымка будзе найперш аказвацца клубам па гульнявых відах спорту, якія ўваходзяць у праграму Алімпійскіх гульняў. Разлічваць на атрыманне падтрымкі з усіх прадугледжаных крыніц змогуць толькі клубы, чые каманды выступаюць у вышэйшых лігах (экстраліга — у хакеі з шайбай).
На развіццё дзіцяча-юнацкага спорту з атрыманай падтрымкі мусіць ісці не менш за 15%, паведамляе БЕЛТА.
Фота — dw.de
