У Брэсце двух расіян затрымалі за страляніну
Начныя стрэлы каля гатэля "Эрмітаж" моцна ўстрывожылі жыхароў размешчаных побач дамоў. Людзі затэлефанавалі ў міліцыю.
Як паведамляе сайт tomin.by, на месцы здарэння міліцыянты затрымалі двух расіянаў. Абодва былі моцна п'яныя. У аднаго з гасцей Брэста міліцыянты канфіскавалі траўматычны пісталет.
Зброю мужчына ўвёз у краіну незаконна: "траўматыка" зарэгістраваная ў Расіі, але не праходзіла рэгістрацыю ў Беларусі.
У міліцыі прызначылі экспертызу, пасля якой і вырашаць, ці пачынаць крымінальную справу.
Фота брэсцкай міліцыі.
