У Брэсце футбалісты падчас матчу збілі суддзю

Суддзя Андрэй Гарох атрымаў удар у твар і некалькі ўдараў па тулаве ад футбаліста каманды "Брестпромналадка", паведамляе sportbrest.com. Матч групавога міні-футбольнага турніру “Эліт-Ліга”, у якім сустракаліся брэсцкія каманды “Брестпромналадка” і “Узыход-Навасёлкі”, падыходзіў да канца. Да таго часу пераможца ва ўсіх матчах цяперашняга сезону -  “Брестпромналадка” - нечакана саступала з лікам 2:4. Усе вырашыў гол з пенальці, які забіў гулец “Узыходу” Віктар Смаль. Праз хвіліну штрафны выклікаў хвалю агрэсіі ў форварда “Брестпромналадки” Аляксандра Пашчанкі.

Ён пачаў абражаць Андрэя Гароха, за што і атрымаў папярэджанне. Пашчанка тут жа стукнуў арбітра ў галаву. На разборкі да суддзі паспяшаліся і іншыя гульцы “Брестпромналадки”, але запал аператыўна ўдалося пагасіць, і справа не завяршылася масавай бойкай.

У выніку дысцыплінарная камісія прыняла рашэнне дыскваліфікаваць гульца "Брестпромналадки" Аляксандра Пашчанку да канца 2012 года ва ўсіх спаборніцтвах і ўмоўна дыскваліфікаваць да канца 2015 года. Гулец гэтага ж клуба Аляксей Чыкін дыскваліфікаваны на адну гульню і ўмоўна да канца 2013 года, а іх калега Арцём Краснікаў дыскваліфікаваны ўмоўна да канца 2013 года.