У Брэсце прадаўцы латарэй абвясцілі страйк на 31 студзеня
Яны незадаволеныя тым, што іх кіраўніцтва адмовілася заплаціць надбаўку за працу ў халады.
Пра гэта паведамляе Praca-by.info са спасылкай на прафсаюз РЭП.
Рэалізатары латарэй атрымліваюць 10% ад выручкі за прададзеныя квіткі. За працу ў тры зімовыя месяцы яны мусілі атрымліваць яшчэ 20%. Аднак цяпер прадаўцам сказалі, што не заплацяць надбаўку за навагодні тыраж, за які яны атрымалі самую вялікую выручку. Грошы абяцалі выплаціць толькі за 360-ы тыраж, які прадаецца ў другой палове студзеня і ў лютым.
