У фінансавай міліцыі — чарговы карупцыйны скандал
За "крышаванне" крымінальнага бізнэсу арыштаваны падпалкоўнік Дэпартамента фінансавых расследаванняў Камітэта дзяржкантролю Беларусі.
Як адзначае "Ежедневник", сёлета гэта ўжо трэці падпалкоўнік фінансавай міліцыі, якога могуць прыцягнуць да адказнасці.
Па звестках выдання, падпалкоўніка затрымалі ў рамках аператыўнай распрацоўкі шэрагу камерцыйных структур Мінска, якія займаліся незаконнымі фінансавымі аперацыямі. Следства мяркуе, што падпалкоўнік ведаў пра незаконную дзейнасць фірмаў і забяспечваў ім спакойнае існаванне з 2010 года.
Звестак пра тое, якую ўзнагароду ён за гэта атрымліваў, пакуль не атрымана. Следчы камітэт пачаў на падпалкоўніка дзве крымінальныя справы — за злоўжыванне ўладай ці службовымі паўнамоцтвамі і за бяздзейнасць службовай асобы.
Фота — libo.ru
