У Гомелі мужчына паведаміў пра мініраванне крамы
Па спецлініі 102 вечарам 12 красавіка невядомы мужчына паведаміў пра тое, што ў адным з універсамаў Гомеля рыхтуецца выбух.
Як паведамілі БелаПАН у прэс-службе УУС Гомельскага аблвыканкама, міліцыя, якая прыехала на месца, эвакуявала з магазіна 53 наведвальнікаў і выставіла ачапленне.
У адной з ячэек для захоўвання рэчаў была выяўлена сумка з матэрыі, для агляду якой праваахоўнікі выклікалі піратэхнічную групу вайсковай часткі 5525. Выбуховай прылады ў сумцы не было.
Падчас правядзення аператыўна-вышуковых мерапрыемстваў устаноўлена, што пра ілжывае мініраванне паведаміў 37-гадовы работнік прадпрыемства "Гомсельмаш". Ён патэлефанаваў у міліцыю, знаходзячыся ў стане алкагольнага ап`янення. Мужчына патлумачыў, што хацеў праверыць рэакцыю міліцыі на паведамленні пра мініраванне.
Праводзіцца праверка інцыдэнту.
