У Гродне абстраляныя дзіцячая паліклініка і цеплаход
30 сакавіка ў Гродне 19-гадовы навучэнец адной з навучальных устаноў абстраляў з пнеўматычнага пісталета дзіцячую паліклініку і цеплаход.
Страляючы ў вокны паліклінікі, хуліган пашкодзіў пяць шыбаў. Акрамя таго, стрэламі былі разбітыя тры акна ды ілюмінатар ў цеплаходзе, які стаіць ля прычалу на рацэ Нёман.
У дачыненні да "стралка" распачалі крымінальную справу па артыкуле 339-2 КК РБ "Хуліганства". Маладому чалавеку пагражае да шасці гадоў пазбаўлення волі, перадае БЕЛТА.
