У Харватыі палітык упершыню прызнаўся ў гомасэксуалізме (фота, відэа)
Кандыдат ад партыі Харвацкіх лейбарыстаў у Еўрапарламент Дамір Хршак прызнаўся ў сваёй прыхільнасці да аднаполага кахання.
Дагэтуль у гэтай краіне ніхто з палітыкаў такіх заяваў не рабіў. Па словах Хршака, ён не саромеецца, а ганарыцца "сваёй актыўнасцю па абароне правоў сэкс-меншасцяў".
Палітыку 44 гады, ён з'яўляецца прафесарам металургічнага факультэта Заграбскага ўніверсітэта, а таксама рэдагуе навуковы часопіс.
Вядома, што большасць жыхароў Харватыі негатыўна настроеныя ў адносінах да сэксуальных меншасцяў. У Харватыі моцныя ўплывы мае Каталіцкая царква.
Фота — h-alter.org
