У Лідзе ў аварыю трапіў п'яны раварыст з адкаркаванай пляшкай гарэлкі
Здарэнне адбылося ў нядзелю 27 лістапада.
Як паведамляе Гродзенскі блог s13, 34-гадовы мужчына перасякаў чатырохпалосную дарогу на ровары каля аўтавакзала. Пры гэтым у адной руцэ ён трымаў адкрытую бутэльку гарэлкі.
Раварысту ўдалося шчасліва праехаць дзве паласы руху. І нават на трэцяй яму пашанцавала — кіроўца аўтобуса паспеў спыніцца, рэзка затармазіўшы. Але гэтага не паспеў зрабіць кіроўца "Рэно", які рухаўся злева ад аўтобуса.
З цяжкімі траўмамі раварыста даставілі ў рэанімацыю.
