У ліпені 2008 года ў Мінску мог быць яшчэ адзін выбух
Другое выбуховае прыстасаванне, якое не спрацавала ў ліпені 2008 года ў Мінску на Дзень незалежнасці, было сабранае вельмі прафесійна.
Пра гэта сёння заявілі ў судзе па справе аб тэракце ў метро супрацоўнікі групы размініравання МУС. Кіраўнік групы Віталь Крукоўскі, у прыватнасці, адзначыў, што чалавек, які зрабіў выбухоўку, павінен мець спецыфічныя навыкі ці неаднаразова сабраць такі механізм.
Яшчэ адзін супрацоўнік групы размініравання Сяргей Повар адзначыў, што да вырабу выбуховага прыстасавання быў ужыты “прафесійны падыход”. Менавіта таму сапёры і вырашылі, што змесціва пакета з-пад соку “Садочак” з’яўляецца сапраўды бомбай, а не макетам, паведамляе БелаПАН.
