У Лондане ідзе ўрачыстае пахаванне Маргарэт Тэтчэр (фота, відэа)
Кіраўнік брытанскага ўрада Дэвід Кэмэран заявіў, што пахаванне Тэтчэр — даніна вялікаму прэм'ер-міністру, якую паважалі ва ўсім свеце.
Ён заклікаў тых, хто не падзяляе пазітыўныя погляды на палітычную спадчыну Тэтчэр, выказаць павагу да нябожчыцы. У Скотлэнд-ярдзе не выключаюць, што падчас працэсіі могуць адбыцца інцыдэнты і акцыі пратэсту. Як адзначае ВВС, за захаваннем бяспекі падчас пахавання сочаць чатыры тысячы паліцыянтаў.
Труну з целам Маргарэт Тэтчэр узнялі на катафалк. Працэсія скіравалася ад Вестмінстарскага палаца да царквы святога Клемента на Стрэндзе. Там труну перанясуць на лафет артылерыйскай гарматы, і працэсія пройдзе да сабора святога Паўла.
У знак скрухі і павагі да нябожчыцы паўсюль прыспушчаныя дзяржаўныя сцягі.
На ўсім шляху працэсіі па абодва бакі дарогі стаіць ланцуг вайскоўцаў — агулам каля 700 чалавек.
Фота — ВВС, РБК
