У Магілёве прадпрымальніцы не падаўжаюць арэнду і выклікаюць у КДБ

Па словах жанчыны, з усіх прадпрымальнікаў такое паведамленне атрымала яна адна, бо не пагаджалася аплочваць дадатковыя грашовыя зборы, не прадугледжаныя дамовамі арэнды.

Людміла Крыловіч: "Яны на 100% хочуць ад мяне пазбавіцца. Тым больш што сёння а 15:42 патэлефанавалі з КДБ і запрасілі мяне да сябе, бо дырэктар зрабіў на мяне данос, што я арганізоўваю забастоўкі. Гэта было запрашэнне па тэлефоне, без позвы. Але мая цікаўнасць мацнейшая. Я буду кансультавацца з юрыстамі. Наш дырэктар як былы супрацоўнік КДБ таксама ведае і ўмее размаўляць з людзьмі".

Тым часам жанчына кажа, што ніякі страйк прадпрымальнікаў не планаваўся.

Нагадаем, Крыловіч была ініцыятаркай сходу прадпрымальнікаў “Прэстана” і разам з астатнімі гандлярамі дамагалася ў адміністрацыі цэнтра права гандляваць там надалей. Адміністрацыя ж хацела ўсіх выселіць і распачаць рамонт, каб здаць гандлёвых плошчаў расіянам.

Прадпрымальніца збіраецца прасіць у адміністрацыі гандлёвага цэнтру тлумачэнні, чаму не падаўжаюць дамову, бо ў гандлёвым цэнтры ёсць вольныя памяшканні.