У Магілёве стварылі групу для прасоўвання іміджу горада
У арганізацыйным сходзе ўзялі ўдзел прадстаўнікі ўлады, грамадскіх арганізацый і СМІ.
Паводле словаў намесніка старшыні гарвыканкама Юрыя Ржэвуцкага, стаіць задача "знайсці сістэмны падыход да фармавання іміджу Магілёва".
Сярод іншага, прапаноўвалася для пачатку правесці працу сярод жыхароў, інвестараў і турыстаў для таго, каб даведацца, што станоўчае і што адмоўнае яны бачаць у Магілёве.
Як інфармуе БелаПАН, удзельнікі сустрэчы дамовіліся напрацаваць якмага больш прапановаў па фармаванні станоўчага іміджу горада і абагульніць іх праз месяц.
Фота — bymedia.net
