У Мінску абмяркуюць, якім павінен быць сучасны ўніверсітэт
6 сакавіка эксперты ў адукацыі і навуцы правядуць адкрыты круглы стол “Універсітэт: дыскусія пра падмуркі”.
Нагодай для мерапрыемства стала кніга з аднайменнай назвай Паўла Баркоўскага і Уладзіміра Мацкевіча. Сабраныя пад адной вокладкай тэксты двух філосафаў даюць два розныя погляды на пытанне "Якім быць сучаснаму ўніверсітэту ў Беларусі?"
У дыскусіі прымуць удзел метадыст Цэнтра праблем развіцця адукацыі БДУ Міхаіл Гусакоўскі, дацэнт Дэпартамента філасофіі ЕГУ Андрэй Лаўрухін, старшыня праўлення Асацыяцыі дадатковай адукацыі і асветы Дзмітрый Карпіевіч, дацэнт кафедры рэлігіязнаўтва Інстытута тэалогіі БДУ Мікалай Сямёнаў.
Пачатак дыскусіі а 18.00 у галерэі “Ў”.
