У Мінску невядомы падпаліў старадаўні дом (фота)
Будынак у цэнтры сталіцы на вуліцы Рэвалюцыйнай загарэўся каля 23 гадзін 27 кастрычніка.
Пажарных выклікаў мінак, які заўважыў дым. Ратавальнікі лакалізавалі і патушылі пажар. У доме згарэла драўляная ашалёўка сцен. Будынак з'яўляецца гісторыка-культурнай каштоўнасцю і знаходзіцца на рэканструкцыі. Менавіта таму на момант пажару нікога з жыхароў у там не было.
Зараз высвятляецца асоба падпальшчыка, паведамляе агенцтва БелТА.
Нагадаем, што ў Верхнім горадзе Мінска, дзе адбыўся пажар, ужо некалькі гадоў працягваецца рэканструкцыя. Улады горада запланавалі аднавіць большасць будынкаў пры гэтым надаўшы ім пачатковы выгляд.
Фота з блога Антона Матолькі.
