У Мінску разграмілі кватэру актывістаў "Еўрапейскай Беларусі"
Гэта адбылося каля 20-й гадзіны 15 лютага.
Актывістаў кампаніі Яраслава Грышчэню і Дзмітрыя Калача затрымалі і збілі ў раёне Плошчы Перамогі, дзе яны арандуюць кватэру.
Як паведамляе udf.by, міліцыянты, не прад'яўляючы ніякіх дакументаў правялі ператрус у кватэры. Па словах Грышчэні, у кватэры была вялікая колькасць друкаванай прадукцыі. Убачыўшы яе, міліцыянты затрымалі ўсіх прысутных і даставілі ў РУУС Савецкага раёна.
Саміх жа Грышчэню і Калача адвезлі ў аддзяленне міліцыі Ленінскага раёна. Адтуль іх вызвалілі праз тры гадзіны без выстаўлення якіх-небудзь абвінавачванняў.
