У Пінску спаборнічаюць стралкі з лука (фота)
Спартакіяда сярод дзяўчат і юнакоў, навучэнцаў беларускіх спартовых школ алімпійскага рэзерву праходзіць на пінскім стадыёне ДТСААФ 12-15 верасня.
У праграме спаборніцтваў стральба па мішэнях з розных дыстанцыяў, дуэльная стральба каманд юнакоў і дзяўчат асобна і мікст-дуэлі, калі ў пары страляюць спартоўцы абодвух палоў.
Арганізатары спартакіяды спадзяюцца адрадзіць гэты від спорту ў Пінску, таму на мерапрыемства прыехалі галоўны трэнер Нацыянальнай зборнай Беларусі па стральбе з лука Барыс Ісачэнка і дзяржаўны трэнер Уладзімір Апарын. На закрыццё спаборніцтваў мае прыехаць старшыня Беларускай федэрацыі па стральбе з лука Міхаіл Амельяновіч.
Цікава, што спадар Амельяновіч працуе міністрам лясной гаспадаркі Беларусі, таму драўляныя шчыты для мішэняў спартакіяды прэзентаваў Пінскі лясгас.
