У Пінску знікаюць шапікі на прыпынках
Як паведамляе тэлеканал “Варяг”, летась ў горадзе з’явілася 11 шапікаў, а закрылася 14.
Сёлета прыватныя прадпрымальнікі не адкрылі ніводнага кіёска, прычым адклікалі ліцэнзіі на права гандлю адразу восемь. Значная частка гандлёвых шапікаў на пінскіх аўтобусных прыпынках ужо працяглы час стаяць зачыненымі.
У Пінскім гарвыканкаме лічаць, што яны не вытрымліваюць канкурэнцыі з буйнымі гандлёвымі сеткамі, таму прапаноўваюць дробнаму гандлю ісці ў новыя мікрараёны горада з неразвітай інфраструктурай. Уладальнікі шапікаў пры гэтым адчуваюць сябе падманутымі: спачатку за іх кошт былі пабудаваныя і добраўпарадкаваныя аўтобусныя прыпынкі, а потым улады забаранілі продаж піва і ўвялі абмежаванні ў найме работнікаў.
