У Расіі расстралялі двух рабочых з Беларусі

Як паведамляе сайт konkretno.ru, на будаўнічай пляцоўцы невядомыя злачынцы з аўтамабіля "Міцубісі" зрабілі некалькі стрэлаў у двух нашых суайчыннікаў. Аднаму з іх 33, другому 32 гады.

Адзін з беларусаў атрымаў агнястрэльнае раненне грудной клеткі, траўму сэрца, яму прастрэлілі левае лёгкае і ранілі левае вуха. У цяжкім стане мужчыну шпіталізавалі ў Ваенна-медыцынскую акадэмію. Другі беларус з агнястрэльным раненнем правага сцягна і ў здавальняючым стане шпіталізаваны ў цэнтральную раённую лякарню горада Усевалажска.

Зламыснікі паспелі ўцячы. Праваахоўнікі пачалі крымінальную справу.

Фота — sakhalife.ru