У санаторыі "Буг" затрымалі 68-гадовую "валютчыцу"
Здарэнне адбылося з Жабінкаўскім раёне.
Як паведамляе БелаПАН, пенсіянерка з Пінскага раёна купляла ў расіян, якія адпачываюць у санаторыі, расійскія рублі. У жанчыны канфіскавалі 755 тысяч беларускіх рублёў і 2 тысячы расійскіх.
На затрыманую бабулю склалі пратакол. Міліцыянты выявілі, што жанчына з'яўляецца індывідуальным прадпрымальнікам і ў санаторыі не адпачывае.
На Брэстчыне гэта першы сёлета выпадак затрымання "валютчыка" на тэрыторыі санаторна-курортных установаў.
