У Сейме Літвы будзе абмяркоўвацца сітуацыя ў Беларусі
Камітэт па міжнародных адносінах Сейма Літвы сёння правядзе круглы стол-дыскусію пра спосабы падтрымкі беларускай апазіцыі.
Як паведамілі ІА REGNUM у Сейме, на дыскусію, акрамя сяброў Камітэта па міжнародных адносінах, прыбудуць прадстаўнікі МЗС Літвы і іншых структур улады, амбасадары Еўрасаюза і краін НАТА, якія працуюць у Літве, прадстаўнікі няўрадавых арганізацый і самі беларускія апазіцыянеры.
Пасольства Венгрыі ў Літве выступае саарганізатарам дыскусіі, паколькі ў гэты момант Венгрыя - старшыня ў Еўрасаюзе.
