У судзе над Алесем Яўдахам зноў абвешчаны перапынак
Магчыма, ён зацягнецца да наступнага года.
Як паведамляе nn.by, апошняе паседжанне было 24 лістапада. Суддзя Шаграй прызначыла дзве экспертызы. Адна павінна палічыць наноў суму нібыта незаконнага атрыманага даходу. А другая — праверыць, ці почырк на дакументах аб атрыманні грошай належыць Алесю Яўдаху.
Нагадаем, што заснавальніка сэрвісу "Кнігі — поштай" Яўдаху вінавацяць у незаконнай прадпрымальніцкай дзейнасці. Максімальная кара, што яму пагражае, — гэта пазбаўленне свабоды да трох гадоў.
