У цягніку Жыткавічы-Калінкавічы адбыўся пажар (фота)
Цалкам згарэў адзін з вагонаў.
Пажар адбыўся прыкладна ў 17.00 26 кастрычніка. На месца здарэння — перагон Брынёва — Старушкі — выязджала шэсць пажарных машын. Агнём быў поўнасцю ахоплены трэці вагон.
Тушэнне пажару заняло 1,5 гадзіны. Ніхто не пацярпеў. Ва ўсім цягніку ехалі чатыры пасажыры, прычым у іншых вагонах. Папярэдняя прычына пажару — кароткае замыканне. З-за надзвычайнага здарэння адбылася затрымка ў руху двух саставаў, паведамляе БелаПАН.
