У Ваўкавыскім раёне перакуліўся пасажырскі аўтобус (фота)
Пацярпелі два чалавекі. Здарэнне адбылося зранку 3 снежня на аўтадарозе Баранавічы — Ваўкавыск.
Як паведамляе БелаПАН, 59-гадовы кіроўца аўтобуса "HONG TONG LCK 6798 H" не ўлічыў дарожныя ўмовы і надвор'е. У выніку аўтобус перакуліўся ў левы кювет.
Пацярпелі дзве пасажыркі — жыхаркі Зэльвы 52 і 27 гадоў. Абедзве жанчыны шпіталізаваныя ў траўматалагічнае аддзяленне раённай лякарні.
Фота — rovd.volkovysk.by
