У Віталя Радзівонава траўма, на поле не вернецца да лета
Пашкоджанне нападаючы БАТЭ і нацыянальнай зборнай Беларусі атрымаў у матчы 4-га тура чэмпіянату краіны ў Гродне з "Нёманам".
На 26-й хвіліне Віталь Радзівонаў забіў гол (гл. відэа), а на 71-й яго вымушана замянілі. БАТЭ прайграў з лікам 1:2.
Як паведамляе сайт football.by, у футбаліста зламаны палец на правай назе. Аднаўленне Радзівонава можа заняць ад трох да пяці тыдняў.
Фота — football.by
