У Жодзіне перад святам у касах скончыліся грошы
У выніку некаторыя пенсіянеры не здолелі своечасова атрымаць пенсію.
Як паведамляе ex-Press.by, з адсутнасцю грошай у касах 7 сакавіка сутыкнуліся многія жыхары Жодзіна. У жодзінскім філіяле Беларусбанка адказу на пытанне, чаму няма беларускіх грошай, журналістам не далі. Банкіры запэўнілі, што проста крыху спазніліся з падвозам грошай.
Праз пару гадзінаў грошы падвезлі, але для іх атрымання пенсіянерам давялося станавіцца ў даўжэзныя чэргі.
